आर.टी.एस.

जनतेला दर्जेदार व तत्पर सेवा देण्याच्या उद्देशाने, जनतेशी संबंधित कामे अधिसूचित करून त्याचा निपटारा विहित कालावधीत करण्यासाठी महाराष्ट्र लोकसेवा हक्क अधिनियम 2015 हा कायदा दिनांक 28 एप्रिल 2015 पासून लागू झाला आहे. पुणे महानगरपालिकेत दि.15 जुलै 2015 पासुन 15 सेवा अधिसुचित करुन  सदर कायद्याची अंमलबजावणी सुरु करण्यात आली आहे.

महाराष्ट्र लोकसेवा हक्क अधिनियम 2015 अन्वये पुणे महानगरपालिका मधील जन्म मृत्यू दाखले, विवाह नोंदणी दाखले, पाणी पुरवठा व जलनिसारणाशी संबंधित दोन सेवा, अग्निशमन विभागाशी संबंधित दोन सेवा, बांधकाम परवानगी विभागाशी संबंधित पाच सेवा व कर आकारणी व कर संकलन विभागाशी संबंधित तीन सेवा अशा एकूण 15 सेवा अधिसूचित केल्या आहेत. सदर सेवांचा संपूर्ण तपशील, सेवा देण्यासाठी निश्चित केलेला कालावधी, त्यासाठी आवश्यक कागदपत्रे, आवश्यक असलेली फी, पदनिर्देशित अधिकारी, प्रथम व द्वितीय अपिल अधिकारी यांची माहिती पुणे महानगरपालिकेच्या www.punecorporation.org  या संकेतस्थळावर उपलब्ध आहे.

सेवा हमी कायद्या अंतर्गत असलेल्या सेवांसाठी online अर्ज करण्याचे सुविधेसाठी http://rts.punecorporation.org हे संकेतस्थळ विकसीत करण्यात आले आहे. तूर्तास जन्म दाखला व मृत्यु दाखला ऑनलाईन देण्याची सुविधा तसेच अन्य 13 सुविधांसाठी ऑनलाईन अर्ज करण्याची व्यवस्था संकेतस्थळावर करण्यात आली आहे.

सेवा हमी कायद्या अंतर्गत आवश्यक त्या सर्व कागदपत्रांसह अर्ज केला असतानाही विहित केलेल्या कालावधीत सेवा न मिळाल्यास अथवा सेवा देण्याचे फेटाळले गेले असल्यास (विहित कालावधीत समाप्त झाल्याच्या दिनांकापासून किंवा सेवा देण्याचे फेटाळलेच्या आदेश प्राप्ती दिनांकापासून तीस दिवसाच्या आत) अधिसुचनेत नमूद केलेल्या अपिल प्राधिका-याकडे प्रथम अपिल दाखल करता येर्इल. प्रथम अपिल प्राधिका-याच्या आदेशा विरूध्द (आदेश प्राप्त झाल्याच्या  दिनांकापासून तीस दिवसांत) किंवा आदेश प्राप्त न झाल्यास प्रथम अपिल दाखल केलेल्याच्या दिनांकापासून 45 दिवसानंतर द्वितीय  अपिल करता येर्इल.

प्रथम व द्वितीय अपिल प्राधिका-यांचा तपशील पुणे महानगरपालिकेच्या www.punecorporation.org या संकेतस्थळावर उपलब्ध आहे.